الاحترام

من أكتر اللحظات المحرجه في حياتي .. لما ابقي قاعد في كافيه يجي شاب قدي أو أكبر مني يقولي "تؤمرني بإيه حضرتك؟"
أنا اءمرك !! ، دانت ممكن تقولي مكان الحاجه وانا اقوم أجيبها والله

او ابقي داخل عمارة والبواب اللي هو اكبر من أبويا يقولي اتفضل حضرتك ويقوم بسرعه يفتح باب او يشيل حاجه بتمنع مروري

أنا مش حضرتك .. ليه ابقي حضرتك ! ، ويافندم ، وتؤمرني بإيه !!
ليه حد أكبر مني مضطر يتعامل معايا كدا بسبب فرق فرص ؟!
لما حد بيقولي كدا ببقي عايز اقوله أنا مش حضرتك والله .. أنا "ولا حاجه" !!

الاحترام مش اخلال بالتوازن المجتمعي والطبقي .. الكبير كبير ولو عامل نضافه
الاحترام قبل م يكون سيستم شغل .. لازم يكون تقدير

الاحترام لازم يتفرض علينا تجاه الناس دي .. مش عليهم أبدا
انت أگبر مني يبقي جزمتك فووق دماغي. دا اللي اتربيت عليه
أهم. حاجه الاحترام وانك متجيش ع حد ولا تحسس حد انه اقل منك بسبب ظروفه
خليك بسيط وفكر فمشاعر الناااس